كيد النواعم ناعم وعندي أكبر دليل..من خرابيطي الشعرية

السلام عليكم ورحمة الله وبركاته
/
\
هذي قصيدة من خرابيطي ولا تسألوني ايش مناسبتها أو في ايش كتبتها
/
\
بس طلعت زي ما هي
.
العذر والسموحة على التقصير
/
\
اقطف البسباس بعد ما عطايبها تسيل
وأتمسك بشعرها وأنا على حواف السقوط
.
هي من قلزمات الناس تشعل بنارها الفتيل
تلدغ الناس وصوتها مثل لدع السيوط
.
ظنت بمرسالها إنه قلبي بخفة مصيره يميل
مادرت إن الثقل عندي يقطع وصل الخيوط
.
قولوا لها يختلف سبيله وأختلف عنه سبيل
وضميري الحي ما يتبع دروب القبوط
.
أشوف بعيني و أعرف جميله عن جميل
نمرٍ ترقط والحذر لو كثرت في الرقوط
.
كيد النواعم ناعم وعندي أكبر دليل
العناكب لا تقارن إطلاقاً بالإخطبوط
.
تكلفها المصطنع لو كثر بيهد الحيل
كأنه عقد لؤلؤه على صدرها مفروط
.
لو تناثر على أرضيّ الظميا مستحيل
دام سجى ليله مثل قلبه ينوط
.
ما أٍسمع ولا أحب كثرة القال والقيل
دام الخطوط المستقيمة تبقى خطوط
.
يوم حطت كاحلها فوق الركبة تستزيل
برقع حياها المكتسح ومطلبها شروط
.
صدق لا قالوا العفة للبنات ما غيرها مثيل
وكذب لا عادت بنفسها تجفف دموع العيوط
.
.
.
دمتم بخير

مشكور علاء كثير على الموضوع

تحياتى

الامبراطور

مشكوووور على الاهتمام

تحياتى
علاء

مشكووووووور حبيبى علاء يا نوارة على الموضوع

تحياتى

حبتك العافية حبيبى
تحياتى
علاء